Waseem - Be-Neyaaz-E-Gham-E-Paimaan-E-Wafa Ho Jaana

Be-Neyaaz-E-Gham-E-Paimaan-E-Wafa Ho Jaana
Tum Bhi Auron Ki Tarah Mujh Se Juda Ho Jaana

Main Bhi Palakon Pe Saja Loonga Lahoo Ki Boondain
Tum Bhi Paabastaa-E-Zanjir-E-Hina Ho Jaana

Khalq Ki Sangzani Meri Khataaon Ka Sila
Tum To Maasoom Ho Tum Door Zara Ho Jaana

Ab Mere Waaste Tariyaq Hai Ilhaad Ka Zahar
Tum Kisi Aur Pujaari Ke Khuda Ho Jaana

---------------------