Adam - Maikadaa Thaa Chaandni Thi Main Na Thaa

Maikada Thaa Chaandni Thi Main Na Thaa
Ik Mujassam Bekhudi Thi Main Na Thaa

Ishq Jab Dam Todta Thaa Tum Na They
Maut Jab Sar Dhun Rahi Thi Main Na Thaa

Toor Par Chheraa Tha Jis Ne Aap Ko
Vo Meri Deevaangi Thi Main Na Thaa

Maikade Ke Mod Par Rukti Hui
Muddaton Ki Tashnagi Thi Main Na Thaa

Main Aur Us Ghuncha-Dahan Ki Aarzoo
Aarzoo Ki Saadagi Thi Main Na Thaa

Gesuon Ke Saaye Mein Aaraam-Kash
Sar-Barahna Zindagi Thi Main Na Thaa

Dair-O-Ka'baa Mein "Adam" Hairat-Farosh
Do Jahaan Ki Badzani Thi Main Na Thaa

--------------------