Ahmad Nadeem Qasmi - Kis Ko Qaatil Main Kahun Kis Ko Maseeha Samajhun

 

Kis Ko Qaatil Main Kahun Kis Ko Maseehaa Samajhun
Sab Yahan Dost Hi Baithe Hain Kise Kyaa Samajhun

Vo Bhi Kyaa Din The Ki Har Vaham Yaqeen Hotaa Thaa
Ab Haqeeqat Nazar Aaye To Use Kyaa Samajhun

Dil Jo Tootaa To Kai Haath Duaa Ko Uthe
Aise Maahaul Mein Ab Kis Ko Paraayaa Samajhun

Zulm Ye Hai Ke Hai Yaqtaa Teri Begaanaaravi
Lutf Ye Hai Ke Main Ab Tak Tujhe Apanaa Samajhun

 ---------------------