Hasrat Mohani - Tod Kar Ahd-E-Karam

Tod Kar Ahd-E-Karam Naa-Aashnaa Ho Jaayiye
Banda-Parwar Jaayiye Achhaa Khafaa Ho Jaayiye

Raah Men Miliye Kabhi Mujh Se To Az-Raah-E-Sitam
Honth Apne Kaat Kar Fauran Judaa Ho Jaayiye

Ji Men Aataa Hai Ke Us Shokh-E-Taghaaful Kesh Se
Ab Na Miliye Phir Kabhi Aur Bewafaa Ho Jaayiye

Haaye Re Be-Ikhtiyaari Ye To Sab Kuchh Ho Magar
Us Saraapaa Naaz Se Kyoon Kar Khafaa Ho Jaayiye

---------------------