Hasrat Mohani - Yaad Hain Saare Wo Aish-E-Baa-Faraaghat Ke Maze

Yaad Hain Saare Wo Aish-E-Baa-Faraaghat Ke Maze
Dil Abhi Bhoola Nahin Aaghaaz-E-Ulfat Ke Maze

Wo Saraapaa Naaz Tha Begaanaa-E-Rasm-E-Jafaa
Aur Mujhe Haasil The Lutf-E-Benihaayat Ke Maze

Husn Se Apne Wo Ghaafil Tha Main Apne Ishq Se
Ab Kahaan Se Laaoon Wo Naa-Waaqfiyat Ke Maze

Meri Jaanib Se Nigaah-E-Shauq Ki Betaabiyaan
Yaar Ki Jaanib Se Aaghaaz-E-Sharaart Ke Maze

Yaad Hain Wo Husn-O-Ulfat Ki Niraali Shokhiyaan
Iltamaas-E-Uzr-O-Tamahid-E-Shikaayat Ke Maze

Sehaten Laakhon Meri Beemaari-E-Gham Par Nisaar
Jis Men Uthe Baarahaa Un Ki Ayaadat Ke Maze

------------------