Iqbal Azim - Kya Tha Zaraa Si Der Mein Kya Ho Gaya Koi

Kya Tha Zaraa Si Der Mein Kya Ho Gaya Koi
Do Din Judaa Raha To Naya Ho Gaya Koi

Wo Bhi Mujhay Azeez Tha Main Bhi Use Azeez
Phir Jaane Kya Hua Kay Khafa Ho Gaya Koi

Meri Nazar Nay Us Ko Khad-O Khaal Day Diye
Zehra Jamaal-E Sheh'r-E Saba Ho Gaya Koi

Mehfil Mein Tha To Chaand Ki Soorat Sabeh Tha
Tanha Mila To Rung-E Hina Ho Gaya Koi

Is Khush'ada Guraiz Kay Qurbaan Jaaiye
Mujh Ko Salam Kar Kay Hawa Ho Gaya Koi

Ilzaam Hum Pay Aaya Hum Mustaid Na Thay
Jab Bhi Kisi Ka Teer Khata Ho Gaya Koi

Mujh Jaise Be'nawa Ko Nawaza Ba-Sad Khuloos
Yoon Bhi Bada Tha Aur Bada Ho Gaya Koi                

--------------------------