Parveen Shakir - Baadbaan Khulne Se Pahle Ka Ishaara Dekhna

Baadbaan Khulne Se Pahle Ka Ishaara Dekhna
Main Samandar Dekhti Hoon Tum Kinaara Dekhna

Yoon Bichhadna Bhi Bahut Aasaan Na Tha Us Se Magar
Jaate Jaate Us Ka Wo Mud Ke Dubaara Dekhna

Kis Shabaahat Ko Liye Aaya Hai Darwaaze Pe Chaand
Ai Shab-E-Hijraan Zara Apna Sitaaraa Dekhna

Aaine Ki Aankh Hi Kuchh Kam Na Thi Mere Liye
Jaane Ab Kya Kya Dikhaaye Ga Tumhaara Dekhna

---------------------------