Parveen Shakir - Dasht-E-Shab Par Dikhaai Kya Den Gi

Dasht-E-Shab Par Dikhaai Kya Den Gi
Silvaten Roshni Men Ubhren Gi

Ghar Ki Divaaren Mere Jaane Par
Apni Tanhaaiyon Ko Sochen Gi

Ungaliyon Ko Taraash Doon Phir Bhi
Aadatan Us Kaa Naam Likkhen Gi

Rang-O-Boo Se Kahin Panaah Nahin
Khvaahishen Bhi Kahaan Amaan Den Gi

Ek Khushboo Se Bach Bhi Jaaoon Agar
Doosri Nikahaten Jakad Len Gi

Khidkiyon Par Dabiz Parde Hon
Baarishen Phir Bhi Dastaken Den Gi

---------------