Parveen Shakir - Kuchh Faislaa To Ho Ki Kidhar Jaanaa Chaahiye

Kuchh Faislaa To Ho Ki Kidhar Jaanaa Chaahiye
Paani Ko Ab To Sar Se Guzar Jaanaa Chaahiye

Har Baar Ediyon Pe Giraa Hai Meraa Lahoo
Maqtal Men Ab Ba-Tarz-E-Deegar Jaanaa Chaahiye

Kyaa Chal Saken Ge Jin Kaa Faqat Mas'laa Ye Hai
Jaane Se Pahle Rakht-E-Safar Jaanaa Chaahiye

Saaraa Jvaar-Bhaata Mere Dil Men Hai Magar
Ilzaam Ye Bhi Chaand Ke Sar Jaanaa Chaahiye

Jab Bhi Gaye Azaab-E-Dar-O-Baam Thaa Vahi
Aakhir Ko Kitni Der Se Ghar Jaanaa Chaahiye

Tohmat Lagaa Ke Maan Pe Jo Dushman Se Daad Le
Aise Sukhan-Farosh Ko Mar Jaana Chaahiye

------------------