Kyaa Kah Gai Kisi Ki Nazar Kuchh Na Poochhiye -Akhtar Sheerani

Kyaa Kah Gai Kisi Ki Nazar Kuchh Na Poochhiye
Kyaa Kuchh Huaa Hai Dil Pe Asar Kuchh Na Poochhiye

Vo Dekhnaa Kisi Ka Kan-Akhiyon Se Baar Baar
Vo Baar Baar Us Ka Asar Kuchh Na Poochhiye

Ro Ro Ke Is Tarah Se Kati Raat Kyaa Kahen
Mar Mar Ke Kaise Ki Hai Sahar Kuchh Na Poochhiye

"Akhtar" Dayaar-E-Husn Men Pahunchen To Hain Mar Ke Ham
Kyoon Kar Huaa Hai Tai Ye Safar Kuchh Na Poochhiye

 ---------------------