Meri Shaam-E--Gham Ko Vo Behla Rahe Hain-Akhtar Sheerani

 

Meri Shaam-E--Gham Ko Vo Behla Rahe Hain
Likha Hai Ye Khat Men Ki Ham Aa Rahe Hain

Thahar Jaa Zara Aur Dard-E--Furqat
Hamaare Tasavvur Men Vo Aa Rahe Hain

Gham-E--Aaqabat Hai Na Fikr-E--Zamaanaa
Piye Jaa Rahe Hain Jiye Jaa Rahe Hain

Nahin Shikavaa-E-Tashnagi Mai-Kashon Ko
Vo Aankhon Se Mai-Khaane Barasaa Rahe Hain

Vo Rashk-E--Bahaar Aane Vaalaa Hai "Akhtar"
Kanval Hasraton Ke Khile Jaa Rahe Hain

 ----------------------