Nikhat-E-Zulf Se Neendon Ko Basaa De Aa Kar -Akhtar Sheerani


Nikhat-E-Zulf Se Neendon Ko Basaa De Aa Kar
Meri Jaagi Hui Raaton Ko Sulaa De Aakar

Kis Qadar Teeraa-O-Taareek Hai Duniyaa Meri
Jalvaa-E-Husn Ki Ik Shamaa Jalaa De Aakar

Ishq Ki Chaandni Raaten Mujhe Yaad Aati Hain
Umr-E-Raftaa Ko Meri Mujh Se Milaa De Aakar

Zauq-E-Naadeed Men Lazzat To Hai Magar Naaz Naheen
Aa Mere Ishq Ko Maghroor Banaa De Aakar

   ---------------------

Post a Comment

0 Comments

–>