Zafar - Lagtaa Nahin Hai Ji Meraa Ujade Dayaar Men

Lagtaa Nahin Hai Ji Meraa Ujade Dayaar Men
Kis Ki Bani Hai Aalam-E-Naa-Paayedaar Men

Kah Do In Hasraton Se Kahin Aur Jaa Basen
Itni Jagah Kahaan Hai Dil-E-Daagh-Daar Men

Umr-E-Daraaz Maang Kar Laaye The Chaar Din
Do Aarzoo Men Kat Gaye Do Intazaar Men

Kitnaa Hai Badnasib "Zafar" Dafn Ke Liye
Do Gaz Zamin Bhi Na Mili Koo-E-Yaar Men

- --------------------