Zafar - Tum Na Aaye Ek Din Ka Vaadaa Kar Do Din Talak

Tum Na Aaye Ek Din Ka Vaadaa Kar Do Din Talak
Ham Pade Tadpaa Kiye Do Do Pahar Do Din Talak

Dard-E-Dil Apnaa Sunaataa Hoon Kabhi Jo Ek Din
Rahtaa Hai Us Naaznin Ko Dard-E-Sar Do Din Talak

Dekhte Hain Khvaab Men Jis Din Kisu Ki Chashm-E-Mast
Rahte Hain Ham Do Jahaan Se Bekhabar Do Din Talak

Gar Yaqeen Ho Ye Hamen Aaye Gaa Too Do Din Ke Baad
To Jiyen Ham Aur Is Ummeed Par Do Din Talak

Kya Sabab Kya Vaastaa Kya Kaam Thaa Batlaaiye
Ghar Se Jo Nikle Na Apne Tum "Zafar" Do Din Talak

---------------------