Zafar - Yaar Thaa Gulzaar Thaa Baad-E-Sabaa Thi Main Na Tha

Yaar Thaa Gulzaar Thaa Baad-E-Sabaa Thi Main Na Thaa
Laayaq-E-Paa-Bos-E-Jaan Kyaa Hinaa Thi Main Na Thaa

Haath Kyon Baandhe Mere Chhallaa Agar Chori Huaa
Ye Saraapaa Shokhi-E-Rang-E-Hinaa Thi Main Na Thaa

Main Ne Poochhaa Kyaa Huaa Vo Aap Kaa Husn-O-Shabaab
Hans Ke Bolaa Vo Sanam Shaan-E-Khudaa Thi Main Na Thaa

Main Sisaktaa Rah Gayaa Aur Mar Gaye Farahaad-O-Qais
Kyaa Unhin Donon Ke Hisse Men Qazaa Thi Main Na Thaa

-------------------------