Asghar Gondvi- Maujon Ka Aks Hai Khat-E-Jaam-E-Sharab Mein

Maujon Ka Aks Hai Khat-E-Jaam-E-Sharab Mein
Yaa Khoon Uchhal Rahaa Hai Rag-E-Maahataab Mein

Vo Maut Hai Ki Kahte Hain Jisko Sukoon Sab
Vo Ain Zindagi Hai Jo Hai Iztarab Mein

Dozakh Bhi Ek Jalvaa-E-Firdaus Se Husn Hai
Jo Is Se Bekhabar Hain Vahi Hain Azab Mein

Us Din Bhi Meri Rooh Thi Mahv-E-Nishaat-E-Deed
Moosaa Ulajh Gae The Savaal-O-Javab Mein

Main Iztaraab-E-Shauq Kahoon Yaa Jamaal-E-Dost
Ik Barq Hai Jo Kaundh Rahi Hai Naqaab Mein

-----------------------