Fani Badayuni- Ji Dhoondhataa Hai Ghar Koi Donon Jahaan Se Door

Ji Dhoondhataa Hai Ghar Koi Donon Jahaan Se Door
Is Aap Ki Zamin Se Alag, Aasmaan Se Door

Shaayad Main Darakhur-E-Nigah-E-Garm Bhi Nahin
Bijli Tadap Rahi Hai Mere Aashiyaan Se Door

Aankhen Churaa Ke Aap Ne Afasaanaa Kar Diyaa
Jo Haal Thaa Zabaan Se Qarib Aur Bayaan Se Door

Taa Arz-E-Shauq Mein Na Rahe Bandagi Ki Laag
Ik Sajdaa Chaahta Hoon Teri Aastaan Se Door

Hai Manaa Raah-E-Ishq Men Dair-O-Haram Ka Hosh
Yaani Kahaan Se Paas Hai Manzil, Kahaan Se Door

---------------------------