Jab Yaar Ne Uthaa Kar Zulfon Ke Baal Baandhe
Tab Main Ne Apne Dil Men Laakhon Khayaal Baandhe
Do Din Men Ham To Reejhe Ai Vaae Haal Un Kaa
Guzre Hain Jin Ke Dil Ko Yaan Maah-O-Saal Baandhe
Taar-E-Nigaah Men Us Ke Kyon Kar Phaanse Na Ye Dil
Aankhon Men Jis Ki Laakhon Vahshi Ghazaal Baandhe
Bose Ki Hai To Khvaahish Par Kahiye Kyon Ke Us Se
Jis Se Mizaaj-E-Lab Par Haraf-E-Savaal Baandhe
Maaro Ge Kis Ko Ji Se Kis Par Kamar Kasi Hai
Phirte Ho Kyon Pyaare Talavaar Dhaal Baandhe
Do Chaar Sher Aage Us Ke Padhe To Bolaa
Mazmoon Ye Tu Ne Apne Kya Hasb-O-Haal Baandhe
"Sauda" Jo Un Ne Baandhaa Zulfon Men Dil Sazaa Hai
Sheron Mein Us Ke Tu Ne Kyon Khad-O-Khaal Baandhe
-----------------------------
0 Comments