Nasikh - Chot Jo Dil Ko Lage Aah-Rasaa Paida Ho

Chot Jo Dil Ko Lage


Chot Jo Dil Ko Lage Aah-Rasaa Paida Ho
Sadma Sheeshe Ko Jo Pahunche To Sada Paida Ho

Kah Raha Hai Jaras-E-Qalb Ba-Aawaaz-E-Buland.
Gum Ho Rahbar To Abhi Raah-E-Khuda Paida Ho

Hum Hain Beemar-E-Mohabbat Ye Dua Maangte Hain
Misl-E-Akseer Na Duniaa Mein Dawaa Paida Ho

Gul Tujhe Dekh Ke Gulshan Mein Kahin Umr-E-Daraaz
Shaakh Ke Badle Wahin Dast-E-Duaa Paida Ho

Ki Mubarak Hai Mera Dasht-E-Junoon Ai ‘Nasikh’
Baiza-E-Boom Bhi Toote To Humaa Paida Ho

---------------------------------

Post a Comment

0 Comments

–>