Nasikh - Dil Mein Posheeda Tap-E-Ishq-E-Butaan Rakhte Hain

Dil Mein Posheeda Tap-E-Ishq


Dil Mein Posheeda Tap-E-Ishq-E-Butaan Rakhte Hain
Aag Ham Sang Ki Maanind Nihaan Rakhte Hain

Misl-E-Parwaana Nahin Kuch Zar-O-Maal Apne Paas
Ham Faqat Tum Pe Fidaa Karne Ko Jaan Rakhte Hain

Mahfil-E-Yaar Mein Kuchh Baat Na Nikli Munh Se
Kahne Ko To Shamma Ki Maanind Zubaan Rakhte Hain

Ho Ga Woh Zard Padi Jis Ki Haseenon Pe Nazar
Yeh Ajab Gul Hain Ki Taaseer-E-Khizaan Rakhte Hain

Ham Ewaz Mulk Jahaan Mulk Sukhan Ai ‘Nasikh’
Go Nahin Hukm Rawaan Taba-E-Rawaan Rakhte Hain

-----------------------

Post a Comment

0 Comments

–>