Meer Taqi Meer- Patta Patta Boota Boota Haal Hamaara Jaane Hai

Patta Patta Boota Boota

Patta Patta Boota Boota Haal Hamaara Jaane Hai
Jaane Na Jaane Gul Hi Na Jaane Baagh To Saara Jaane Hai

Chaara-Gari Beemar-E-Dil Ki Rasm-E-Sheher-E-Husn Nahin
Warna Dilbar Naadaan Bhi Is Dard Ka Chaara Jaane Hai

Meher-O-Wafa-O-Lutf-O-Inaayat Ek Se Waaqif In Mein Nahin
Aur To Sab Kuch Tanz-O-Kinaaya, Ramz-O-Ishaara Jaane Hai

Kya Kya Fitne Sar Par Uske Laata Hai Maashooq Apna
Jis Bedil, Betaab-O-Tab Ko Ishq Ka Maara Jaane Hai

Aashiq Sa To Saada Koi Aur Na Hoga Duniya Mein
Jee Ke Jiyaan Ko Ishq Mein Uske Apne Waaraan Jaane Hai

--------------------

Post a Comment

2 Comments

–>