Kaha Tha Kis Ne Ke Ahd-E-Wafa Karo Uss Se
Jo Yoon Kiya Hai To Phir Kyun Gila Karo Uss Se
Ye Ahl-E-Baaz Tunak-Hausala Sahi Phir Bhi
Zara Fasaana-E-Dil Ibtida Karo Uss Se
Yeh Kya Ke Tum Hi Gham-E-Hijr Ke Fasaane Kaho
Kabhi To Uss Ke Bahaane Suna Karo Uss Se
Naseeb Phir Koi Taqreeb-E-Karb Ho Ke Na Ho
Jo Dil Mein Hon Wohi Baatein Kiya Karo Uss Se
‘Faraz’ Tark-E-Ta'alluq To Khair Kya Hoga
Yehi Bahut Hai Ke Kam Kam Mila Karo Uss Se
----------------------------
No comments:
Post a Comment