Ai Falak Chaahiye Nazar Bhar Ke Nazaara Ham Ko
Jaake Aana Nahin Duniya Mein Dobara Ham Ko
Ham Kisi Zulf-E-Parishaan Ki Tarah Aye Taqdeer
Khoob Bigde The Magar Khoob Saanwara Ham Ko
Shukr Sad Shukr Ki Ab Qabr Mein Ham Jaa Pahunche
Tauseen-E-Umr Ne Manzil Pe Utaara Ham Ko
Bad-Salooki Mein Maza Kya Hai Maza Hai Is Mein
Ki Hamaara Ho Tumhein Paas Tumhara Ham Ko
Behr-E-Hasti Mein Huye Kashti-E-Toofaan Ham To
Nahin Milta Hai Kahin, ‘Daagh’ Kinaara Ham Ko
----------------------------
No comments:
Post a Comment