Daagh Dehlvi- Kabhi Masjid Mein Jo Shokh Peer-Zada Aaya

Kabhi Masjid Mein Jo Shokh Peer-Zada Aaya


Kabhi Masjid Mein Jo Shokh Peer-Zada Aaya
Phir Na Allah Ke Bandon Ko Khuda Yaad Aaya

Chhoot Kar Kunj-E-Qafas Se Bhi Yeh Khatka Na Gaya
Jab Saba Aayi To Jaana Wahi Sayyaad Aaya

Raat Bhar Shor Raha Hai Tere Hamsaaye Mein
Kis Ke Armaan Bhare Dil Ko Khuda Yaad Aaya

Di Mu’azzin Ne Shab-E-Vasl Azaaan Pichhli Raat
Haay Kambakht Ko Kis Waqt Khuda Yaad Aaya

Lijiye Suniye Ab Afsaana-E-Furqat Mujh Se
Aap Ne Yaad Dilaya To Mujhe Yaad Aaya

-----------------------

Post a Comment

0 Comments

–>