Ahmad Faraz - Tujh Se Mil Kar Bhi Kuch Khafa Hain Hum

 

Tujh Se Mil Kar Bhi Kuch Khafa Hain Hum
Be- Murawwat Nahin To Aur Kya Hain Hum

Hum Gham-E-Kaarwan Mein Behte The
Log Samjhe Ki Shikasta-Paa Hain Hum

Is Tarah Se Hamein Raqeeb Mile
Jaise Muddat Ke Aashna Hain Hum

Raakh Hain Hum Agar Ye Aag Bujhe
Juz Dard-O-Gham Ka Aur Kya Hain Hum

Khud Ko Sunte Hain Is Tarah Jaise
Waqt Ki Aakhri Sada Hain Hum

Kyon Zamane Ko Ilzaam Dein ‘Faraz’
Wo Nahin Hain To Be-Wafa Hain Hum


-----------------------