Khoob Ab Dekh Liye Aur Tumhaare Ham Ne
Din Museebat Ke Guzraare So Guzaare Ham Ne
Rah-E-Barham Hi Teri Zulfein Pareeshaan Ki Tarah
Kaam Bigde Huye Har Chand Saanwaare Ham Ne
Tangi-E-Gosh-E-Zinda Ke Jo Ham Khoongar The
Gor Mein Bhi Na Kabhi Paanv Pasaare Ham Ne
Kuch To Paaya Hai Muhabbat Ki Musibat Mein Mazaa
Aish-O-Aaraam Kiye Tarq Jo Saare Ham Ne
Matlab Ai ‘Daagh’ Nahin Dair-O-Haram Se Ham Ne
Bistar Apna To Kiya Sab Se Kinaare Ham Ne
--------------------------
No comments:
Post a Comment