Jaun Elia - Ek Paihum Talkh-Kalami Si Rahi Kya

Ek Paihum Talkh-Kalami Si Rahi Kya
Mohabbat Zaher Kha Kar Aai Thi Kya

Mujhe Ab Tum Se Dar Lagne Laga Hai
Tumhein Mujh Se Mohabbat Ho Gai Kya

Shikast-E-Aitmad-E-Zaat Ke Waqt
Qayaamat Aa Rahi Thi, Aa Gai Kya

Mujhe Shikwa Nahin, Bus Poochna Hai
Ye Tum Hansti Ho Apni Hi Hansi Kya

Humein Shikwa Nahin Ek Doosrey Sey
Manaana Chahiye Is Per Khushi Kya

Pade Hain Ek Goshe Main Gumaan Ke
Bhala Hum Kya, Humaari Zindagi Kya

Main Ab Her Shakhs Se Ukta Chuka Ho
Faqat Kuchh Dost Hain, Aur Dost Bhi Kya

-------------------------