Jaun Elia - Juz Gumaan Aur Tha Hi Kya Mera

Juz Gumaan Aur Tha Hi Kya Mera
Faqat Ek Mera Naam Tha Mera

Nikhat-E-Pairahan Se Uss Gul Ki
Silsila Be-Saba Raha Mera

Mujh Ko Khwahish Hi Dhoondne Ki Na Thi
Mujh Mein Khoya Raha Khuda Mera

Thook Dey Khoon Jaan Ley Who Agar
Aalam-E-Tark-E-Mudda’a Mera

Jab Tujhe Meri Chaah Thi Jaanaan
Bas Wahi Waqt Tha Kadaa Mera

Koi Mujh Tak Pahunch Nahin Sakta
Itnaa Aasaan Hai Pataa Mera

Aa Chuka Pesh Woh Murrawwat Se
Ab Chalun Kaam Ho Chuka Mera

Aaj Main Khud Se Ho Gaya Maayoos
Aaj Ek Yaar Mar Gayaa Mera

------------------------------