Jaun Elia - Zikr Bhi Uss Se Kya Bhala Mera

Zikr Bhi Uss Se Kya Bhala Mera
Uss Se Rishta Hi Kya Raha Mera

Aaj Mujh Ko Bahot Bura Keh Kar
Aap Ne Naam To Liya Mera

Aakhiri Baat Tum Se Kehna Hai
Yaad Rakhna Na Tum Kaha Mera

Ab To Kuch Bhi Nahin Hoon Main Waise
Kabhi Woh Bhi Tha Mubtela Mera

Woh Bhi Manzil Talak Pahunch Jaata
Uss Ne Dhoondha Nahin Pata Mera

Tujh Se Mujh Ko Najaat Mil Jaaye
Tu Duaa Kar Ke Ho Bhala Mera

Kya Bataaun Bichhar Gaya Yaaraan
Ek Bilqees Se Saba Mera

--------------------------