Jaun Elia - Qaabil-E- Rahem Hain Wo Deewaane

 Qaabil-E-Rahem Hain Wo Deewaane
Jin Ko Haasil Nahin Hain Weeraane

Hum Halaak-E-Sitam Nahin, Ai Dost!
Hum Ko Maaraa Hai Lutf-E-Beja Ne

Jin Ka Unwaan Bunn Gai Woh Nazar
Kitne Rangeen Hain Woh Afsaane

Main To Is Zindagi Se Rootha Hoon
Aap Kyun Aa Rahe Hain Samjhaane

Meri Mehroomion Ka Gham Hai Unhein
Chhalak Utthen Kahin Na Paymaane

Kushta-E-E’tmaad Hain Hum Log
Hum Ko Dhoka Diya Hai Duniyaa Ne

Talkh-Go Mukhlison Ki Mehfil Mein
‘Jaun’ Kis Baat Ka Buraa Maane

---------------------------