Jaun Elia - Shaam Tak Meri Be-Kali Hai Sharaab

Shaam Tak Meri Be-Kali Hai Sharaab
Shaam Ko Meri Sar-Khushi Hai Sharaab

Jehl Waaiz Ka Uss Ko Raas Aaye
Saahibo! Meri Aagahi Hai Sharaab

Rang Ras Hai Meri Ragon Mein Rawaan
Ba-Khuda Meri Zindagi Hai Sharaab

Naaz Hai Apni Dilbari Pe Mujhe
Mera Dil, Meri Dilbari Hai Sharaab

Hai Ghaneemat Jo Hosh Mein Nahin Main
Shaikh! Tujh Ko Bacha Rahi Hai Sharaab !!

Hiss Jo Hoti To Jaane Kya Karta
Muftio! Meri Be-Hisi Hai Sharaab !

---------------------------