Reyaz Khirabadi- Sharab-E-Naab Se Saqi Jo Hum Wazoo Karte

Sharab-E-Naab Se Saqi Jo Hum Wazoo Karte
Haram Ke Log Tawaf-E-Khum-O-Suboo Karte

Woh Mal Ke Dast-E-Henai Se Dil Lahoo Karte
Hum Aarzu, To Hasin Khoon-E-Aarzoo Karte

Kalim Ko Na Ghash Aata Na Toor Hi Jalta
Dabi Zabaan Se Izhar-E-Aarzoo Karte

Sharab Peete Hi Sajde Mein Unko Girna Tha
Yeh Shaghl Baith Ke Mai-Nosh Qibla-Ru Karte

Har Ek Qatre Se Bahti ‘Reyaz’ Joo-E-Sharab
Jo Pee Ke Ham Sar-E-Zamzam Kabhi Wazu Karte

--------------------------