Saaqiya Tishnagi Ki Taab Nahin
Zeher De De Agar Sharaab Nahin
Roz Marta Hun Roz Jeeta Hoon
Zindagi Ka Koi Hisaab Nahin
------------------------------
Haath Apne Donon Nikle Kaam Ke
Haath Ko Thaama Un Ka Daaman Thaam Ke
‘Daagh’ Ke Sab Harf Likhte Hain Judaa
Tukde Kar Daale Hamaare Naam Ke
--------------------------
Jis Waqt Aaye Hosh Mein Kuchh Be-Khudi Se Ham
Karte Rahe Khayaal Mein Baatein Usi Se Ham
Naa-Chaar Tum Ho Dil Se To Majboor Jee Se Ham
Rakhte Ho Tum Kisi Se Muhabbat Kisi Se Ham
---------------------------
Jab Tere Dil Se Utar Jaata Hai Dil
Jeete Jee Kambakht Mar Jaata Hai Dil
Raah Mein Kaaba Bhi Hai But-Khaana Bhi
Dekhiye Le Ke Kidhar Jaata Hai Dil
Kis Ki Nibhti Hai Hamesha Rasm-O-Raah
Chaar Din Mein ‘Daagh’ Bhar Jaata Hai Dil
------------------------------
No comments:
Post a Comment