Kya Zamana Tha Ki Har Roz Mila Karte They
Raat Bhar Chand K Hamraah Phira Karte They
Jahaan Tanhaiyan Sar Phor K So Jati Hain
Un Makanon Mein Ajab Log Raha Karte They
Kar Diya Aaj Zamaane Ne Unhen Bhi Majbur
Kabhi Yeh Log Mere Dukh Ki Dawa Karte They
Dekh Kar Jo Hamen Chup-Chap Guzar Jata Hai
Kabhi Us Shakhs Ko Hum Pyar Kiya Karte They
Ittefaqaat-E-Zamana Bhi Ajab Hain ‘Nasir’
Aaj Woh Dekh Rahe Hain Jo Suna Karte They
--------------
No comments:
Post a Comment