Safar-E-Manzil-E-Shab Yaad Nahin
Log Rukhsat Hue Kab Yaad Nahin
Dil Mein Har Waqt Chubhan Rahti Thi
Thi Mujhe Kis Ki Talab Yaad Nahin
Wo Sitaara Thi K Shabnam Thi K Phul
Ek Soorat Thi Ajab Yaad Nahin
Aisa Uljha Hun Gam-E-Duniya Mein
Ek Bhi Khwab-E-Tarab Yaad Nahin
Bhoolte Jaate Hain Maazi Ke Dayaar
Yaad Aayen Bhi To Sab Yaad Nahin
Ye Haqeeqat Hai Ki Ahbaab Ko Hum
Yaad Hi Kab Thhay Jo Ab Yaad Nahin
Yaad Hai Sair-E-Charaaghaan ‘Nasir’
Dil Ke Bujhne Ka Sabab Yaad Nahin
------------
No comments:
Post a Comment