Ghalib - Ghair Len Mehfil Main Bose Jaam Ke

Ghair Len Mehfil Main Bose Jaam Ke

Ghair Len Mehfil Main Bose Jaam Ke
Ham Rahen Yun Tashnalab Paigaam Ke

Khastagi Ka Tum Se Kya Shikwa Ke Ye
Hathkande Hain Charkh-E-Nili Faam Ke

Khat Likhenge Garche Matlab Kuch Na Ho
Ham To Aashiq Hain Tumhaare Naam Ke

Raat Pee Zamzam Pe Mai Aur Subh-Dam
Dhoey Dhabbe Jaama-E-Ehraam Ke

Dil Ko Aankhon Ne Phansaaya Kya Magar
Ye Bhi Halqe Hain Tumhaare Daam Ke

Shaah Ke Hai Gusl-E-Sehat Ki Khabar
Dekhiye Din Kab Phiren Hammaam Ke

Ishq Ne ‘Galib’ Nikammaa Kar Diya
Warna Ham Bhi Admi The Kaam Ke

   --------------------------

Post a Comment

0 Comments

–>