Khumar - Doori Ke Gham Kuchh Aur Siwaa Ho Ke Rah Gaye

Doori Ke Gham Kuchh Aur Siwaa Ho Ke Rah Gaye
Ham Un Se Kyaa Mile Ke Judaa Ho Ke Rah Gaye

Khoye Hue The Der Se Wo Meri Yaad Men
Mujh Par Nazar Padi To Khafaa Ho Ke Rah Gaye

Phir Doston Ko Main Ne Pai Mashq De Diye
Jo Teer Mujh Tak Aaye Khataa Ho Ke Rah Gaye

Majaboor Ho Ke Maangi Thi Lutf-O-Karam Ki Bheekh
Lutf-O-Karam Bhi Jor-O-Jafaa Ho Ke Rah Gaye

Ab Kyaa Rahaa Tere Liye Ai Ishq Naa-Muraad
Ab Wo Bhi Mubtilaa-E-Wafaa Ho Ke Rah Gaye

Allaah Aainaa To Kabhi Dekh Lo 'Khumaar'
Tum Kyaa The Aur Ishq Men Kyaa Ho Ke Rah Gaye

----------------------