Izn-E-Khiraam Lete Huye Aasamaan Se Ham
Hat Kar Chale Hain Rah-Guzar-E-Kaaravaan Se Ham
Kyonkar Huaa Hai Faash Zamaane Pe Kyaa Kahen
Vo Raaz-E-Dil Jo Kah Na Sake Raaz-Daan Se Ham
Ham-Dam Yahi Hai Rah-Guzar-E-Yaar-E-Khush-Khiraam
Guzare Hain Laakh Baar Isi Kahkashaan Se Ham
Kyaa Kyaa Huaa Hai Ham Se Junoon Men Na Poochhiye
Uljhe Kabhi Zamin Se Kabhi Aasamaan Se Ham
Thukraa Diye Hain Aql-O-Khirad Ke Sanam-Kade
Ghabraa Chuke Hain Kashmakash-E-Imtehaan Se Ham
Bakhshi Hain Ham Ko Ishq Ne Vo Jurraten 'Majaz'
Darte Nahin Siyaasat-E-Ahal-E-Jahaan Se Ham
-------------------
0 Comments