Saghar Azmi - Mana Ke Un Ke Nezon Pe Ab Sar Nahin Koi



Mana Ke Un Ke Nezon Pe Ab Sar Nahin Koi
Kya Un Ke Aastin Main Bhi Khanjar Nahin Koi

Majburiyon Ne Ghar Se Nikalne Na Diya
Duniya Samajh Rahi Hai Mera Ghar Nahin Koi

Ab Kya Karen Ge Ham Naye Suraj Ki Roshani
Jab Dekhne Ke Waaste Manzar Nahin Koi

Dil Ho Raha Hai Der Se Khaamosh Jheel Sa
Kya Doston Ke Hath Main Patthar Nahin Koi

Qismat Sabhi Ki Waqt Ke Haathon Main Rahti Hai
Is Daur Main Kisi Ka Muqaddar Nahin Koi

 -------------------

Post a Comment

0 Comments

–>