Shaharyar - Had-E-Nigah Tak Ye Zamin Hai Siyah Phir

Had-E-Nigah Tak Ye Zamin Hai Siyah Phir
Nikali Hai Juganuon Ki Bhatakati Sipah Phir

Honthon Pe A Raha Hai Koi Nam Bar Bar
Sannaton Ki Tilism Ko Toregi Ah Phir

Pichale Safar Ki Gard Ko Daman Se Jhar Do
Awaz De Rahi Hai Koi Suni Rah Phir

Berang Asman Ko Dekhegi Kab Talak
Manzar Naya Talash Karegi Nigah Phir

Dheeli Hui Giraft Junoon Ki Ke Jal Utha
Taaq-E-Hawas Main Koi Charag E Gunah Phir

  -------------