Dard - Duniya Main Kaun Kaun Na Yak Baar Ho Gaya



Duniya Main Kaun Kaun Na Yak Baar Ho Gaya
Par Munh Phir Is Tarf Na Kiya Us Ne Jo Gaya

Phirti Hai Meri Khaak Saba Dar-Ba-Dar Liye
Aye Chashm-E-Ashkabaar Ye Kya Tujh Ko Ho Gaya

Aagah Is Jahaan Main Nahin Ghair Be Khudaan
Jaaga Wahi Idhar Se Jo Mund Aankh So Gaya

Tufaan-E-Noah Ne To Dubaai Zamin Faqat
Main Nang-E-Khalq Saari Khudaai Dubo Gaya

Baraham Kahin Na Ho Gul-O-Bulbul Ki Aashati
Darta Hoon Aaj Baagh Main Wo Tund Khu Gaya

Waaiz Kise Daraawe Hai Yom-Ulhisaab Se
Giriyaan Mera To Naama-E-Aamal Dho Gaya

Phulenge Is Zabaan Main Bhi Gulzar-E-Maarfat
Yaan Main Zamin-E-Sher Main Ye Tukhm Bo Gaya

Aaya Na Aitadaal Par Hargiz Mazaaj-E-Dahar
Main Garche Garm-O-Sard-E-Zamaana Samo Gaya

Aye “Dard” Jis Ki Aankh Khuli Is Jahaan Main
Shabnam Ki Tarah Jaan Ko Apni Wo Ro Gaya

                 -----------------------------

Post a Comment

0 Comments

–>