Dard - Ham Tujh Se Kis Hawas Ki Falak Justaju Karen



Ham Tujh Se Kis Hawas Ki Falak Justaju Karen
Dil Hi Nahin Raha Hai Jo Kuch Aarzu Karen

Mit Jaayen Ek Aan Main Kasrat Namayaan
Ham Aaine Ke Saamne Aa Kar Jo Hu Karen

Sar Ta Qadam Zabaan Hai Jun Shamaa Go Ke Ham
Par Ye Kahaan Majaal Jo Kuch Guftagu Karen

Har Chand Aaina Hun Par Itna Na Qabul
Munh Pher Le Vo Jiske Mujhe Ru-Ba-Ru Karen

Ne Gul Ko Hai Sabaat Ne Ham Ko Aitbaar
Kis Baat Par Chaman Havas-E-Rang-O-Bu Karen

Hai Apni Ye Salaah Ke Sab Zahidaan-E-Shahar
Ai “Dard” Aa Ke Bet-E-Dast-E-Sabu Karen

        -------------------------

Post a Comment

0 Comments

–>