Momin - Shab Tum Jo Bazm-E-Ghair Men Aankhen Chura Gaye

Shab Tum Jo Bazm-E-Ghair Men Aankhen Chura Gaye
Khoye Gaye Ham Aise Ke Aghyaar Paa Gaye

Majalis Men Us Ne Paan Diyaa Apane Haath Se
Aghyaar Sabz Bakht The Ham Zahar Khaa Gaye

Ghairon Se Ho Wo Pardaanashin Kyon Na Behijaab
Dam Haay Be-Asar Mere Pardaa Uthaa Gaye

Waaiz Ke Zikr-E-Mehar-E-Qayaamat Ko Kyaa Kahoon
Aalam Shab-E-Wasl Ke Aankhon Men Chhaa Gaye

Duniyaa Hi Se Gayaa Main Jo Nahin Naaz Se Kahaa
Ab Bhi Gumaan-E-Bad Na Gaye, Tere Yaa Gaye

Ai "Momin" Aap Kab Se Hue Banda-E-Butaan
Baare Hamaare  Men, Hazrat Bhi Aa Gaye

----------------------------