Sahir - Ahal-E-Dil Aur Bhi Hain Ahal-E-Wafaa Aur Bhi Hain

Ahal-E-Dil Aur Bhi Hain Ahal-E-Wafaa Aur Bhi Hain
Ek Ham Hi Nahin Duniyaa Se Khafaa Aur Bhi Hain

Kyaa Huaa Gar Mere Yaaron Ki Zabaanen Chup Hain
Mere Shaahid Mere Yaaron Ke Siwaa Aur Bhi Hain

Ham Pe Hi Khatm Nahin Maslak-E-Shoridaa-Sari
Chaak-E-Dil Aur Bhi Hai Chaak-E-Qabaa Aur Bhi Hain

Sar Salaamat Hai To Kyaa Sang-E-Malaamat Ki Kami
Jaan Baaqi Hai To Paikaan-E-Qazaa Aur Bhi Hain

Munsif-E-Shahar Ki Wahadat Pe Na Harf Aa Jaaye
Log Kahate Hain Ke Arabaab-E-Jafaa Aur Bhi Hain

--------------------