Sahir - Taaj Mahal - Taaj Tere Liye Ik Mazahar-E-Ulfat Hi Sahi


nazm-taj-mahal


Taaj Tere Liye Ik Mazahar-E-Ulfat Hi Sahi
Tum Ko Is Waadi-E-Rangin Se Aqidat Hi Sahi

Mere Mahaboob Kahin Aur Milaa Kar Mujh Se

Bazm-E-Shaahi Men Gharibonka Guzar Kya Maani
Sabt Jis Raah Pe Hon Satawat-E-Shaahi Ke Nishaan
Us Pe Ulfat Bhari Roohon Ka Safar Kya Maani

Meri Mahaboob Pas-E-Parda-E-Tashhir-E-Wafa
Too Ne Satawat Ke Nishaanon Ko To Dekha Hota
Murda Shaahon Ke Maqaabir Se Bahalne Waali
Apne Taarik Makanon Ko To Dekha Hota

Anaginat Logon Ne Duniya Men Muhabbat Ki Hai
Kaun Kahta Hai Ki Saadiq Na The Jazbe Un Ke
Lekin Un Ke Liye Tashhir Ka Saamaan Nahin
Kyoon Ke Wo Log Bhi Apni Hi Tarah Muflis The

Ye Imaarat-O-Maqaabir Ye Fasilen, Ye Hisaar
Mutal-Kul-Hukm Shahen-Shaahon Ki Azmat Ke Sutoon
Daaman-E-Dahar Pe Us Rang Ki Gulakaari Hai
Jis Men Shaamil Hai Tere Aur Mere Ajadaad Ka Khoon

Meri Mahaboob! Unhen Bhi To Muhabbat Hogi
Jinki Sannaai Ne Bakhshi Hai Ise Shakl-E-Jamil
Un Ke Pyaaron Ke Maqaabir Rahe Benaam-O-Namood
Aaj Tak Un Pe Jalaai Na Kisi Ne Qandil

Ye Chamanazaar Ye Jamuna Ka Kinaara Ye Mahal
Ye Munaqqash Dar-O-Diwar, Ye Mahraab Ye Taaq
Ik Shahen-Shaah Ne Daulat Ka Sahaaraa Le Kar
Ham Gharibon Ki Muhabbat Ka Udaayaa Hai Mazaak

Mere Mahaboob Kahin Aur Milaa Kar Mujhase!
 ---------------------

Post a Comment

0 Comments

–>