Hasrat Mohani - Husn-E-Be-Parvaah Ko Khudbib-O-Khudaaraa Kar Diya

Husn-E-Be-Parvaah Ko Khudbib-O-Khudaaraa Kar Diya
Kyaa Kiyaa Main Ne Ki Izhaar-E-Tamannaa Kar Diya

Badh Gayin Tum Se To Mil Kar Aur Bhi Betaabiyaan
Ham Ye Samjhe The Ki Ab Dil Ko Shakebaa Kar Diya

Padh Ke Tera Khat Mere Dil Ki Ajab Haalat Hui
Iztaraab-E-Shauq Ne Ek Hashr Barpa Kar Diya

Ham Rahe Yaan Tak Teri Khidmat Men Sargarm-E-Nayaaz
Tujh Ko Aakhir Aashanaa-E-Naaz-E-Bejaa Kar Diya

Ab Nahin Dil Ko Kisi Soorat Kisi Pahloo Qaraar
Is Nighat-E-Naaz Ne Kya Sahir Aisaa Kar Diya

Ishq Se Tere Bade Kya Kya Dilon Ke Martabe
Mahr Zarron Ko Diyaa Qatron Ko Dariyaa Kar Diya

Teri Mahfil Se Uthaataa Ghair Mujh Ko Kyaa Majaal
Dekhtaa Thaa Main Ki Toone Bhi Ishaaraa Kar Diya

Sab Ghalat Kahte The Lutf-E-Yaar Ko Wajah-E-Sukoon
Dard-E-Dil Is Ne To 'Hasrat' Aur Doonaa Kar Diya

---------------