Hasrat Mohani - Kaise Chhupaaoon Raaz-E-Gham Didaa-E-Tar

Kaise Chhupaaoon Raaz-E-Gham Didaa-E-Tar Ko Kyaa Karoon
Dil Ki Tapish Ko Kyaa Karoon Soz-E-Jigar Ko Kyaa Karoon

Shorish-E-Aashiqi Kahaan Aur Meri Saadgi Kahaan
Husn Ko Tere Kyaa Kahoon Apni Nazar Ko Kyaa Kahoon

Gham Ka Na Dil Men Ho Guzar Wasl Ki Shab Ho Yoon Basar
Sab Ye Qubool Hai Magar Khauf-E-Sahar Ko Kyaa Karoon

Haal Meraa Tha Jab Behtar Tab Na Hui Tumhen Khabar
Baad Mere Huaa Asar Ab Main Asar Ko Kyaa Karoon

------------------