Parveen Shakir - Koo-Ba-Koo Phail Gai Baat Shanasaai Ki

Koo-Ba-Koo Phail Gai Baat Shanasaai Ki
Us Ne Khushboo Ki Tarah Meri Paziraai Ki

Kaise Kah Doon Ki Mujhe Chhod Diyaa Hai Us Ne
Baat To Sach Hai Magar Baat Hai Rusvaai Ki

Wo Kahin Bhi Gayaa Lautaa To Mere Paas Aayaa
Bas Yahi Baat Hai Achchhi Mere Harajaai Ki

Teraa Pahaloo Tere Dil Ki Tarah Aabaad Rahe
Tujh Pe Guzare Na Qayaamat Shab-E-Tanhaai Ki

Us Ne Jalti Hui Peshaani Pe Jo Haath Rakha
Rooh Tak Aa Gai Taasir Masihaai Ki

---------------------