Mastaana Piye Jaa Yoon Hi Mastaana Piye Jaa-Akhtar Sheerani

Mastaana Piye Jaa Yoon Hi Mastaana Piye Jaa
Paimaanaa To Kya Cheez Hai Maikhaana Piye Jaa

Kar Gharq Mai-O-Jaam Gham-E-Gardish-E-Ayyaam
Ab Ai Dil-E-Naakam Too Maikhaana Piye Jaa

Mai-Noshi Ke Aadaab Se Aagaah Naheen Too
Jis Tarah Kahe Saaqi-E-Maikhaana Piye Jaa

Is Basti Men Hai Vahashat-E-Masti Hi Se Hasti
Deevaanaa Ban Aur Baadaa-E-Deevaana Piye Jaa

Maikhaane Ke Hangaamen Hain Kuchh Der Ke Mehamaan
Hai Subah Qareeb "Akhtar" Divaana Piye Jaa

 ------------------