Meri Shaam-E-Gham Ko Vo Bahlaa Rahe Hain-Akhtar Sheerani

Meri Shaam-E-Gham Ko Vo Bahlaa Rahe Hain
Likhaa Hai Ye Khat Men Ki Ham Aa Rahe Hain

Thahar Jaa Zaraa Aur Dard-E-Furqat
Hamaare Tasavvur Men Vo Aa Rahe Hain

Gham-E-Aaqabat Hai Na Fikr-E-Zamaanaa
Piye Jaa Rahe Hain Jiye Jaa Rahe Hain

Naheen Shikavaa-E-Tashnagi Mai-Kashon Ko
Vo Aankhon Se Maikhaane Barasaa Rahe Hain

Vo Rashk-E-Bahaar Aane Vaalaa Hai "Akhtar"
Kanval Hasraton Ke Khile Jaa Rahe Hain

 --------------------